14-январь «Ўатан қорғаўшылары күни» байрамы

         14 январь–Өзбекстан Республикасы халқының тыныш турмысы ҳәм қәўипсизлигин қорғаўшы кәсип ийелери-Ўатан қорғаўшылары күни ҳәм Өзбекстан Республикасы Қураллы Күшлери шөлкемлестирилген күн сыпатында белгиленеди. 1993-жыл 29-декабрь күни Өзбекстан Республикасы Олий Кенгашының қарары менен 14-январь «Ўатан қорғаўшылары күни» деп белгиленди. Усы байрам мүнәсибети менен усы жылдың 16-январь күни Самарқанд ветеринария медицинасы институты Нөкис филиалында Арқа-Батыс әскерий округи спорт взводы топар командири, аға лейтенант Тўхташов Соҳиб, усы взводтың инструктор-спортшылары Мунаваров Отохон ҳәм Мадаминов Аҳрорлар қатнасында талаба-жаслар менен ушырасыў өткерилди.           Топар командири, аға лейтенант С.Тўхтошов сөзге шығып, Өзбекстан Республикасы Қураллы Күшлериниң шөлкемлестирилиў тарийхы, Қураллы Күшлер дүзилиси: Қорғаныў министрлиги, Ишки ислер министрлиги, Мәмлекетлик қәўипсизлик хызмети, Мәмлекетлик қәўипсизлик хызмети шегара армиясы, Өзбекстан Республикасы Миллий гвардиясы, Айрықша жағдайлар министрлиги ҳәм Мәмлекетлик Бажыхана комитетинен ибарат екенлиги ҳәм Өзбекстан Республикасында 5 әскерий округ Шығыс әскерий округи, Ташкент әскерий округи, Орайлық әскерий округи, Қубла-Батыс әскерий округи ҳәм Арқа-Батыс әскерий округлери ҳаққында мағлыўмат бериб өтти. Ушырасыўда талаба-жаслар өзлери қызықтырған сораўларға жуўап алды ҳәм Ана журтымыз тынышлығын, журтымыз топырағын муқәддес билип, Ўатан тынышлығы ушын барқулла таяр турыўды ўазыйпасы деп билген мәрт жигитлерге шексиз миннетдаршылық билдирди. Бизлерде филиал жәмәәти атынан барлық Ўатан қорғаўшыларын усы мүбәрек байрам менен қутлықлаймыз ҳәмде олардың шаңарағына тынышлық, өзлерине беккем ден саўлық тилеймиз.