Улыўма билим бериў пәнлери бойынша миллий тест системасы енгизилди
Министрлер Кабинетиниң тийисли қарарына (№646, 12.10.2020ж) муўапық, 2020-жыл 1-декабрьден баслап басқышпа-басқыш бакалавриат тәлим бағдарларына сәйкес пәнлер комплексиндеги улыўма билим бериў пәнлеринен билиў дәрежесин баҳалаўдың миллий тест системасы енгизиледи.
Қарарға көре, 2021/2022-оқыў жылы қабыллаўынан баслап тийисли улыўма билим бериў пәнин (шет тили буған кирмейди) билиў дәрежеси ҳаққындағы мәмлекетлик үлгисиндеги сертификатқа ийе болған абитуриентке сертификаттағы өзлестириў пайызына сәйкес тәризде жоқары оқыў орнының бакалавриатына оқыўға қабыллаў бойынша тест сынақларында усы пәннен белгиленген максимал баллға салыстырмалы пропорционал балл бериў тәртиби енгизиледи;
Улыўма билим бериў пәнлери бойынша сертификатлаў төмендеги мүддетлерде енгизиледи:
-2020-жыл 1-декабрьде ана тили ҳәм әдебияты (өзбек тили ҳәм әдебияты, рус тили ҳәм әдебияты, қарақалпақ тили ҳәм әдебияты,) ҳәмде математика пәнлери бойынша;
-2021-жыл 1-февральда химия ҳәм биология пәнлери бойынша;
-2022-2024-жылларда физика, география ҳәм тарийх пәнлери бойынша.
Сертификат бериў ушын дүзилетуғын тест сораўлары Халық билимлендириў министрлиги ҳәм Тәлим сапасын бақлаў инспекциясы тәрепинен ислеп шығылады.
Сертификат бериў ушын талабаннан арза берилген күндеги базалық есаплаў муғдарының 1,5 есеси муғдарында төлем өндириледи.
Сертификат тест сынағының нәтийжеси бойынша ең жоқары балдың кеминде 60 пайызын топлаған шахсларға 3 жыл мүддетке бериледи.
Талабан тест сынағында қатнасыў ушын Мәмлекетлик тест орайының рәсмий веб-сайтында дизимнен өтеди ҳәм жеке кабинети арқалы керекли ҳүжжетлерди жүклейди.
Тест сынағы бланкаларда ямаса компьютер (онлайн платформа)де өткерилиўи мүмкин.
Сертификат тест сынағынан жақсы нәтийжеге ерискен талабанға тест сынағы нәтийжелери жәрияланған күннен баслап бир ҳәпте даўамында Мәмлекетлик тест орайы директорының буйрығы тийкарында электрон тәризде бериледи. Талабан сертификатты жеке кабинети арқалы жүклеп алыўы мүмкин
Зийўар Хожамуратова
скачать dle 12.1
Telefon
E-mail
