Talaba-qizlar o‘rtasida o‘rtoqlik voleybol bahslari tashkil etildi
18 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
ФИЛИАЛ СТУДЕНТЛЕРИ ҚАЙЫРЛЫ ИСТИ ӘМЕЛГЕ АСЫРДЫ
Қайырлы ислерди ǝмелге асырыў гɵззал инсаный пазийлетлердиӊ қатарына киреди. Жақсы ислердиӊ ǝмели мүтǝж инсанларға жǝрдем қолын созған ўақытта сǝўлеленеди. Әсиресе ҳǝзирги пандемия шараятында жǝрдемге мүтǝж шаӊарақларға кɵмек бериў саўап болады. Самарқанд ветеринария медицинасы институты Нɵкис филиалы Жаслар аўқамы кеўилли волонтёр студентлери тǝрепинен мине усындай саўап ис ǝмелге асырылды. Яғный олар Нɵкис қаласы «Наўқан бағ» МПЖ турғыны социаллық жǝрдемге мүтǝж Айтбай Смайловтыӊ үйин жеӊил оӊлаў жумысларын алып барыў ҳǝм үй ǝтирапын абаданластырыўда ɵзлериниӊ жǝрдемин берди.
Филиалдыӊ ғайратлы жаслары жеӊди түрип, үй алдына стяжка қылыў, дийўалларды ҳǝклеў ҳǝм үйдиӊ ǝтирапын тазалаў жумыслары менен бǝнт болды. Жумыслар толық жуўмақланғаннан кейин үй ийеси А.Смайлов студент жасларға ɵзиниӊ миннетдаршылығын билдирди. Алтын алма, дуўа ал дейилгениндей, усындай мүтǝж шаӊарақларға жǝрдем кɵрсетиўде белсендилик кɵрсетип атырған студент жасларымыз жақсы инсанлардыӊ дуўасын алғаны ушын бизде қуўанышлымыз. Бул мақаланы исленген саўап исти мақтаныў ушын емес, керсинше, басқаларға ɵрнек болыўы ушын таярладық. Илажы болса жақсылықларды кɵп ислеўге ҳǝрекет қылыӊ!
Самарқанд ветеринария медицинасы институты
Нɵкис филиалы Баспа сɵз хызмети
