Málimleme resurs orayi

	Samarqand mámleketlik veterinariya medicinası, sharwashiliq  hám biotexnologiyalar universiteti Nókis filialı Málimleme resurs orayi bólim w.w.b Bekmuratova  Raygul  Paraxatovna
		+998(99)954-40-86 bekmuratovarajgul3@gmail.ru

BIZIŃ URANIMIZ: «Kitapsız rawajlanıwǵa, joqarı ruwxıylıqǵa erisip bolmaydı, kitap oqımaǵan insannıń da, millettiń de keleshegi joq»

MAQSETIMIZ: «Ruwxıy joqarılıqqa erisiw»

Samarqand mámleket veterinariya meditsinasi, sharwashılıq hám biotexnologiyalar universiteti Nókis filialı Málimleme-resurs orayı 2019-jıldıń 29-fevral ayınan baslap óz iskerligin baslaǵan. Bul waqıtta fondta 200 ge jaqın kitap bolǵan bolsa, 2025 jılǵa kelip 1846 atamadaǵı 9133 hújjetlerdi óz ishine jámlegen.

• Sabaqlıqlar 275 atamada, 1870 nusqada.
• Oqıw qollanbalar 462 atamada, 2578 nusqada.
• Kórkem ádebiyat 615 atamada, 2654 nusqada.

Házirde 3 xanasi ámelde bolıp: bir kitap tarqatıw xanasi, bir oqıw zalı hám bir elektron bólimi bolıp, oqıw zalı 30 orınǵa iye, televizor, komyuter hám printer menen úskenelestirilgen. Elektron xanamızda 15 ta kompuyter Wi-Fi ǵa baylanısqan. 1 ta infokiyosik menen taminlangan

Filialda jaslardı kitap oqıwǵa qızıqtırıw, kıtapxanlikqa tartıw maqsetinde “Kıtapqumarlar” dógeregi shólkemlestirlgen. “Kıtapqumarlar” dógeregine 212 student aǵza bolǵan.

Jaslardı kitap oqıwǵa qızıqtırıw, kıtapxanlikqa tartıw maqsetinde “Men jaqsı kórip oqıǵan kitap”, “Birgelikte kitap oqıymiz” hám “Kıtapqumar talaba” sonday-aq, ózbek hám qaraqalpaq til bayramları munasabati menen “Til jasasa millet jasaydı” hám “Ana tilim sen basqadan ayırmam” temalarında dóretpeler tańlawları hám de belgili shayır hám jazıwshilardıń tuwılıw  áyyamlarina arnalǵan dóretpeler tańlawları ótkerilmoqta.

Kitapxanada kitap súygishler ushın dógerek shólkemlestirilgen bolıp, ol jaǵdayda studentler ózlerine kerekli hám qızıqlı bolǵan kórkem ádebiyatlardı oqıp, «BIRGELIKTE KITAP OQIYMIZ» uranı astında tashkil etilgen «KITAP BOYÍNSHA ZAKAWAT» intellektuallıq oyını ótkerilip turıladı. Studentlerde kitapǵa bolǵan qızıǵıwshılıqtı arttırıw maqsetinde, háptediń hár dúyshembi kúni qandayda-bir bir qızıqlı bolǵan kórkem kitap kitapxana telegram kanalına qóyıladı hám sol kitap boyınsha shembi kúnleri soraw-juwap hám ziyreklik intellektuallıq oyının ótkerip, studentlerdiń kitapǵa bolǵan qızıǵıwshılıǵın asırıp atırmız.

Filial professor-oqıtıwshıları tárepinen jaratılǵan oqıw-qóllanbaları, sabaqlıqları baspadan shıǵarılıp, unilibrari.uz saytına jaylastırılıp barilmoqta. Sonday-aq, hár bir pán boyınsha tiykarǵı ádebiyatlar sol sayt arqalı yamasa t.me/SamMvMShBUNF_kitapxana  kanalı arqalı ózine kerekli ádebiyatlardı júklep alsa boladı.

Málimleme-resurs orayı abonoment bóliminde - Bekmuratova Raygul, Habipnazarova Zulfiya.