Ilimiy Keńes

                                                                     Filial Keńesi
Ózbekstan Respublikası Joqarı hám orta arnawlı bilim ministrliginiń 2011-jıl 3-dekabrdegi 487-sanlı buyrıǵı menen tastıyqlanǵan “Joqarı oqıw orınlarınıń Ilimiy keńesi haqqındaǵı úlgi Nızam” tiykarında Filialda tiykarǵı máselelerdi kórip shıǵıw ushın direktor basshılıǵında filail Keńesi shólkemlestirilgen.
       Filial Кeńesiniń maqset hám wazıypaları
Filial keńesiniń maqseti – filial jámáátiniń háreketlerin, intellektual dárejesin hám basqa barlıq imkaniyatlardı Ózbekstan Respublikasınıń «Bilimlendiriw haqqında»ǵı, «Kadrlar tayarlaw milliy baǵdarlaması haqqında»ǵı Nızamlarında belgilengen wazıypalardıń orınlanıwın támiyinlew, joqarı bilimlendiriwdiń mámleketlik tálim standartı talapları dárejesinde qáliplesken bilim, tájiriybe, kónlikpelerge iye bolǵan professional qánigeler tayarlawǵa baǵdarlawdan ibarat. 
       Filial Кeńesi:
• Kadrlar tayarlaw milliy baǵdarlamasına muwapıq mámleketlik tálim standartları, oqıw rejeleri hám baǵdarlamalarınıń qatań orınlanıwın úyrenip shıǵadı hám de tiykarǵı máseleler boyınsha usınıs hám tapsırmalar belgileydi;
• Filialdıń oqıw, ilimiy-izertlew hám ruwxıylıq-aǵartıwshılıq jumısları haqqındaǵı, filial janındaǵı texnikum iskerligi haqqındaǵı, qabıllaw komissiyasınıń nátiyjeleri haqqındaǵı, sonday-aq marketing xızmetiniń xalıq xojalıǵınıń pitkeriwshi qánigelerge bolǵan zárúrligi, buyırtpashı shólkemler  menen birge islesiw baylanısları haqqındaǵı esapların tıńlaydı hám de tiyisli qarar qabıl etedi;
• Ilimiy-izertlew, ruwxıylıq-aǵartıwshılıq jumısları rejeleriniń orınlanıwı, professor-oqıtıwshılar quramınıń qánigeligin jetilistiriw hám qayta tayarlaw máselelerin talqılaydı hám de tiyisli qararlardı qabıl etedi;

• Joqarı oqıw ornınıń rawajlanıwınıń jıllıq hám keleshektegi rejelerin tastıyıqlaydı, materiallıq-texnikalıq támiynat hám finans-xojalıq iskerligi nátiyjelerin talqılaydı hám de tiyisli qararlardı qabıl etedi;
• Fakultet hám kafedralardı ashıw, jabıw, ózgertiw, sonday-aq marketing xızmeti usınısların esapqa alǵan halda jańa bakalavriat baǵdarları hám magistratura qánigelikleri boyınsha kadrlar tayarlawdı jolǵa qoyıw yaki toqtatıw menen baylanıslı máseleler boyınsha qarar qabıl etedi;
• «Joqarı oqıw orınlarına pedagog xızmetkerlerdi tańlaw tiykarında jumısqa qabıl etiw tártibi haqqında»ǵı Nızamǵa muwapıq professor-oqıtıwshılar lawazımların iyelew ushın tańlawlar ótkeredi;
• Professor, docent ilimiy dárejesin alıwǵa talaban izleniwshilerdiń hújjetlerin kórip shıǵadı hám belgilengen tártipte ilimiy dárejege tastıyıqlawǵa usınadı;
• Oqıw ornı pitkeriwshileri hám de professor-oqıtıwshılardıń inglis tilin  biliwlerin támiyinlew hám kompyuter texnologiyaları, internetten paydalana alıwları boyınsha tayanısh kónlikpelerdi qáliplestiriw máselelerin talqılaydı hám is-ilajlar belgileydi;

Bilimlendiriw procesiniń oqıw ádebiyatları menen támiyinlengenligin, jańa áwlad sabaqlıq hám oqıw qollanbaları, sonday-aq innovaciyalıq tálim texnologiyaların qollawǵa tiykarlanǵan oqıw-metodikalıq komplekslerdi tayarlaw hám baspaǵa shıǵarıw máselelerin talqılaydı;
• Stajyor izlertlewshi-izleniwshi institutlarına , Doktoranturaǵa talabanlardı usınadı, olardıń jeke rejeleri hám dissertaciyaları temaların tastıyıqlaydı;
• Ziyrek studentler qatarınan hám professor-oqıtıwshılar quramınan talabanlardı «Istedod» fondları arqalı shet ellerdiń joqarı oqıw orınlarında stajirovka ótiwge usınadı;
• Joqarı oqıw ornınıń ziyrek studentleri hám magistrantları qatarınan Ózbekstan Respublikası Prezidenti Mámleketlik stipendiyası hám ataqlı mámleketlik stependiyalar tańlawında qatnasatuǵın talabanlardı usınadı;
• «Salamat áwlad ushın» fondı menen birgelikte studentlerdiń fizikalıq tárbiyası hám olardıń salamatlıqların jáne de jaqsılaw boyınsha ilájlar islep shıǵadı;
•          Tiykarǵı buyırtpashı shólkem, kárxana hám mekemeler menen korporativ birge islesiwdi rawajlandırıw, materiallıq-texnikalıq bazanı bekkemlew hám de studentlerdiń qánigelik ámeliyatı nátiyjeliligin asırıw máselelerin talqılaydı hám olardı jaqsılaw boyınsha usınıslar islep shıǵadı;
•          Shet el mámleketleriniń joqarı oqıw orınları menen birge islesiw baylanısların ornatıw boyınsha qararlar qabıl etedi;
•          Bilimlendiriw xızmetleri menen shuǵıllanıwshı kishi kárxanalar, firma hám kurslar iskerligi haqqında basshılardıń esapların tıńlaydı hám de tiyisli qarar qabıl etedi;
•          Joqarı oqıw ornı studentleri hám xızmetkerleriniń texnika qáwipsizligi hám miynetti qorǵawdı jetilistiriw boyınsha ilajlardı belgileydi.
Filial Кeńesi jumısınıń shólkemlestiriliwi
Filial keńesi óz jumısın oqıw jılı ushın islep shıǵılǵan rejege muwapıq ámelge asırmaqta. Filialdıń oqıw, ilimiy-metodikalıq, ilimiy-izertlew, ruwxıylıq-aǵartıwshılıq hám shólkemlestiriwshilik máseleleri boyınsha keńes qararları ashıq dawıs beriw tártibinde kópshiliktiń dawısı menen, al, professor-oqıtıwshılar lawazımların iyelew boyınsha ótkeriletuǵın tańlawlar hám de professor yaki docent ilimiy ataqların beriwge usınıslar boyınsha qararlar jabıq dawıs beriw jolı menen belgilengen tártipte keńes quramındaǵı aǵzalardıń   2/3 bólegi qatnasqan jaǵdayda qabıl etilmekte.
Keńes májilisleri bayanlama menen rásmiylestirilip, keńes baslıǵı hám keńes xatkeri tárepinen imzalanıp barılmaqta.   Keńes qararlarınıń orınlanıwı monitoring bólimi tárepinen qadaǵalap barılmaqta.
Búgingi kúnde filial Кeńesinde 25 aǵza jumıs alıp barmaqta.
 Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı Keńesi aǵzaları

№	F.A.A.	Tiykarǵı jumıs lawazımı	Ilimiy dáreje hám ataǵı
1	Esimbetov Adilbay Tlepovich	SamMVMShBU NF direktorı, Filial Keńesi baslıǵı	B.i.d., professor
2	Saparov Alisher Abduqahor o’g’li	Ózbekstan Respublikası Veterinariya hám sharwashılıqtı rawajlandırıw komitetiniń innovaciya jumısı, pán hám tálim tarawın rawajlandırıw basqarması baslıǵı, Aǵza	B.f.b.f.d. (PhD)
3	Elmurodov Abduǵani Aktomovich	SamMVMShBU, oqıw isleri boyınsha prorektor, Aǵza	profesor
4	Qaypanov Maxmud Tengelovich	Qaraqalpaqstan Respublikası veterinariya hám sharwashılıqtı rawajlandırıw komiteti baslıǵı, Aǵza	-
5	Pirnazarov Qıyas Utemisovich	Nókis qalalıq veterinariya hám sharwashılıqtı rawajlandırıw bólimi baslıǵı, Aǵza	-
6	Atanazarov Quralbay Mawlenovich	Oqıw isleri boyınsha direktor orınbasarı, aǵza	B.i.k
7	Avezimbetov Shavkat Dosumbetovich	Ilimiy isler hám innovaciyalar boyınsha direktor orınbasarı, aǵza	v.i.k
8	Abdijaliyev Xamza Tursınbaevich	Jaslar máseleleri hám ruwxıy aǵartıwshılıq isleri boyınsha direktor orınbasarı, aǵza	-
9	Shernazarov Arepbay Tolıbaevich	Isler basqarması baslıǵı, aǵza	-
10	Eshmuratova Gozzal Yusupovna	Filial Keńes xatkeri	-
11	Kaniyazov Amaniyaz Janadilovich	Veterinariya hám zooinjeneriya fakulteti dekanı	b.i.f.d.(PhD)
12	Ǵaniyev Aybek Yusipbaevich	Nókis veterinariya medicinası texnikum direktorı, aǵza	-
13	Bayımbetov Azatbay Berdibaevich	Tálim sıpatı bólimi baslıǵı,aǵza	-
14	Arziyev Xidir Yuldashevich	“Veterinariya meditsinası hám farmakologiyası” kafedrası baslıǵı, aǵza	v.i.k
15	Mamatov Hurshid Abdirafiyevich	“Zooinjeneriya” kafedra baslıǵı, aǵza	a.x.i.b.f.d (PhD)
16	Xojalepesov Polat Zinatdinovich	“Ekonomika hám gumanitar pánler” kafedra baslıǵı, aǵza	e.i.d
17	Rzaev Raxat Muratbaevich	“Veterinariya diagnostikası hám azıq-awqat qáwipsizligi” kafedra baslıǵı, aǵza	b.i.f.d.(PhD)
18	Qaniyazov Suxrap Joldasbaevich	Oqıw metodik bólim baslıǵı	-
19	Smailov Tórexan Dúysenbay ulı	Korrupciyaǵa qarsı gúresiw hám kompleans qadaǵalaw bólimi bas qánigesi	-
20	Samandarov Shonnazar Kanjaboevich	Monitoring hám ishki qadaǵalaw bólimi baslıǵı, aǵza	-
21	Dauletova Zamira Abdigapbarovna	Hayal qızlar máseleleri boyınsha director másláhátshisi, aǵza	-
22	Kazaxbaeva Gulchexra Atabaevna	Jámiyetlik baslamada baslanǵısh kásiplik awqam baslıǵı, aǵza	-
23	Xojabergenov Berdax Paraxatovich	Jaslar awqamı baslanǵısh shólkemi jetekshisi, aǵza	-
24	Allamuratova Mexriban Begimbaevna	Psixolog, aǵza	-
25	Jumabaev Abdirasul Baxitovich	Student, Aǵza	-

фильмы бесплатно