"Ilhám" sıylıǵı tańlawınıń járiyalanıwı
Ózbekstan Respublikası Ministrler Kabinetiniń 2020-jıl 24-avgusttaǵı 503-sanlı qararında belgilengen wazıypalardıń orınlanıwın támiyinlew maqsetinde, joqarı bilimlendiriw mákemelerinde bilim alıp hám jumıs islep atırǵan jaslar arasında ádebiyatqa bolǵan qızıǵıwshılıqtı arttırıw, dóretiwshi jaslardı qollap-quwatlaw jáne olardıń ruwxıy-aǵartıwshılıq potencialın joqarılatıw maqsetinde "Ilhám" sıylıǵı tańlawı járiyalanadı.
Tańlaw shártleri:
Tańlaw hár jılı shayır hám jazıwshılardıń ómiri hám dóretiwshiligin tereń úyreniwge baǵıshlap ótkeriledi.
Tańlaw basqıshpa-basqısh ámelge asırıladı: dáslepki tańlaw, tiykarǵı hám juwmaqlawshı basqıshlar.
• Hár bir basqısh ashıq-aydınlıq hám qalıslıq principleri tiykarında ótkeriledi.
Jeńimpazlar tómendegishe sıylıqlanadı:
1-orın - 100 BEM muǵdarında aqshalay sıylıq, arnawlı diplom hám statuetka;
2-orın - 80 BEM muǵdarında aqshalay sıylıq, arnawlı diplom hám statuetka;
3-orın - 40 BEM muǵdarında aqshalay sıylıq, arnawlı diplom hám statuetka.
Áhmiyetli sáneler:
Tańlawdıń birinshi (saylap alıw) basqıshı - test sorawları alınǵannan soń bir kún ishinde ótkeriledi;
Tańlawdıń tiykarǵı basqıshı ushın hújjetler hár jılı 15-aprelge shekem tapsırılıwı kerek.
Qosımsha maǵlıwmat:
Tańlawdıń barlıq basqıshları "Úlken ádebiyat bayramı" hápteligi sheńberinde joqarı dárejede shólkemlestiriledi.
Jeńimpazlardı sıylıqlaw máresimi de háptelik sheńberinde ótkeriledi.
Tańlaw materialları hám jańalıqları joqarı bilimlendiriw mákemesiniń rásmiy veb-saytı hám sociallıq tarmaqlardaǵı betlerinde járiyalanıp barıladı.
Dóretiwshi jaslar, bul imkaniyattan únemli paydalanıń hám óz talantıńızdı kórsetiń!
скачать dle 12.1
Telefon
E-mail
