Hayal-qızlar komiteti baslanǵısh shólkemi

		Samarqand  veterinariya medicinası, mámleketlik sharwashiliq hám  biotexnologiyalar universiteti Nókisfilialınıń Filialdıń Hayal qızlar máseleleri boyınsha direktor máslahátshisi Dawletova Zamira Abdigapbarovna
		+998905954341 Zamira.fl@mail.ru

Samarqand veterinariya meditsinası institutı Nókis filialı Baslanǵısh hayal qızlar shólkemi 2019 jıldıń fevral ayında shólkemlestirildi.

Hayalqızlar komitetiniń eń tiykarǵı buwını bul - Baslanǵısh hayal-qızlar shólkemi.

Baslanǵısh shólkem óz aǵzaları arasınan jámiyetlik baslamada isleytuǵın baslıq hám onıń orınbasarın saylaydı. Baslanǵısh shólkemler jámiyetlik baslamada yaǵnıy is haqı belgilenbegen, yaki oqıw ornınıń kárxana yaki shólkemlerdiń ishki imkaniyatları esabınan hám oqıw ornı, kárxana, yaki shólkem basshılarınıń hayal-qızlar máselesine bolǵan itibarına muwapıq is haqı belgilenip jumıs alıp baradı. Baslanǵısh shólkem óz jumısın Ózbekstan Hayal-qızlar komitetiniń nızamına tiykarlanıp ámelge asıradı. Tiyisli aymaqtaǵı hayal-qızlar komitetiniń prezidiumına boysınadı hám oǵan esap beredi.

Baslanǵısh shólkemniń jumıs alıp barıwına huqıqıy tiykar bolıp Ózbekstan Respublikası Hayal-qızlar komitetiniń XXXIX menen tastıyqlanǵan “Ózbekstan Respublikası Hayal-qızlar komiteti baslanǵısh shólkemi iskerligi” haqqında Nızam.

1. Baslanǵısh hayal-qızlar komitetiniń nızamlı wazıypaları tómendegiler:

Hayalqızlardıń jámiyette siyasiy, ekonomikalıq, sotsiallıq tarawlardaǵı wazıypaların sheshiwdegi belsendiligin kúsheytiw. Hayal-qızlardı hár tárepleme qollap-quwatlaw, olardıń sotsiallıq-ekonomikalıq jaǵdayın jaqsılaw, huqıq hám máplerin qorǵaw. Milliy hám ruwxıy qádiriyatlarımızǵa tiykarlanǵan halda shańaraq múnásibetlerin bekkemlew. Jaslardı ruwxıy jetilgen ideyalıq gúressheń, millet hám mámlekettiń rawajlanıwı jolında óz kúshin ayamaytuǵın jetilgen insan etip tárbiyalaw, den sawlıqlı turmıs tárizin qáliplestiriw maqsetinde dúziledi.

2. Baslanǵısh hayal-qızlar shólkeminiń alıp baratuǵın jumıslarınıń tiykarǵı jónelisleri.

-Hayal-qızlardıń jámiyette, sotsiallıq ekonomikalıq, siyasiy hám miynetegi belsendiligin kúsheytiw, olardıń huqıq hám máplerin qorǵaw hám támiynlew islerin alıp barıw.

-Hayal-qızlar arasında ruwxıy-aǵartıwshılıq jumıslardı ámelge asıradı, milliy hám mádeniy qádiriyatlarımız, dástúrlerimiz tiykarında qızlardı hár tárepleme jetilgen insan etip tárbiyalawda ilajlar, ushırasıwlar, seminarlar, konferentsiyalar ótkeriw.

-Hayal-qızlardıń huqıqların qorǵaw, ruwxıy intellektual hám kásiplik tájiriybesin, Huqıqıy sawatlılıǵın, huqıqıy mádeniyatın arttırıp barıw.

-«Qábiletli qızlar» dógeregin jolǵa qoyıw, talantlı, qábiletli qızlardı «Zulfiya» atındaǵı mámleketlik sıylıqqa usınıs etiwde qatnasıw.

-Shańaraqta den sawlıqlı turmıs tárizin qáliplestiriw, zıyanlı illetlerden jıraq bolıw, hayal-qızlardıń reproduktiv den sawlıǵın jaqsılaw, analıq hám balalıqtı qorǵaw, hayal-qızlardıń mádeniyat hám sportqa bolǵan qızıǵıwshılıǵın arttırıw, múnásip ráwishte mádeniy dem alıwın támiynlew.

-Hayal-qızlar arasında sociallıq ruwxıy ortalıqtı salamatlastırıw, diniy ekstremizm, missionerlik ideyalardıń tarqalıwınıń aldın alıw, milliy-diniy úrip ádetlerdi durıs úgit-násiyatlaw.

-Xalqımızdıń ruwxıyatına, turmıs tárizine jat bolǵan hayal-qızlar ortasında huqıqbuzarlıq, jınayatshılıq, náshebentlik, ishkilikpazlıq, óz janına qast etiw sıyaqlı jaǵdaylardıń aldın alıw.

-Kem támiynlengen, sotsiallıq qorǵawǵa mútáj, imkaniyatı sheklengen jalǵız baslı hayallarǵa kómeklesiw.

Filial “Veterinariya hám zooinjeneriya” fakulteti baslanǵısh hayal-qızlar shólkemi baslıǵı - Dauletova Zamira Abdigapparovna