SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

May ayınıń aqırǵı ekshembisi ximikler kúni sıpatında belgilenedi

Hár jılı elimizde may ayınıń aqırǵı ekshembisi ximikler kúni sıpatında belgileniwi úrdiske aylanǵan. Usı jılı bul sáne 26-mayǵa durıs kelmekte. «Haywanlar anatomiyası, fiziologiyası hám bioximiyası» kafedrasınıń ximiya páni oqıtıwshısı Z.Ospanova sáne múnásibeti menen «Jas ximikler» dógereginiń aǵzaların toplap, usı sáneniń tariyxı hám ximiya tarawı boyınsha qızıqlı maǵlıwmatlardı berip ótti.

Atap aytqanda studentlerge ximiya ámeliy pán tarawları ishinde eń áhmiyetlisi bolıp sanalıwı, Nobel' sıylıǵı da áyne usı tarawǵa áhmiyetli jónelislerden biri sıpatında tapsırılıwı, mámleketimizde qashannan baslap usı pán boyınsha zamanagóy qánigeler, alımlar jetisip shıǵıp baslaǵanı hám olardıń búgingi kúnde alıp barıp atırǵan ximiyalıq izertlewleriniń unamlı nátiyjeleri haqqında toqtaldı.
Olar taraw boyınsha ilim-pánniń rawajlanıwına múnásip úles qosıp kiyatırǵanlıǵı ayrıqsha atap ótildi. Sonıń menen birge, búgingi kúnde ekonomikamızda ximiya sanaatı tarmaǵınıń tutqan ornı aytıp ótildi. Studentler qızıqlı maǵlıwmatlarǵa iye bolıw menen birge shırpısız janıw sıyaqlı ximiya páninen ámeliy shınıǵıwlardı islep kórdi. Pursattan paydalanıp, usı sáne múnásibeti menen elimizdegi barlıq ximik qánigelerdi hámde usı jóneliste bilim alıp atırǵan student-jaslardı, tarawda miynet qılıp atırǵan jumısshı-xızmetkerlerdi shın kewilden qutlıqlaymız. Jumıslarıńızǵa tabıs hám rawajlanıw tileymiz!